መዝሙር 101
መዝሙራት ዘዳዊት ምዕራፍ ፻፩ መዝሙር ዘዳዊት።
፩ ምሕረተ ወፍትሕ አኀሊ ለከ።
፪ እዜምር ወእሌቡ ፍኖተ ንጹሕ፤ ማእዜ ትመጽእ ኀቤየ።
፫ ወአሐውር በየዋሃተ ልብየ በማእከለ ቤትየ።
፬ ወኢረሰይኩ ቅድመ አዕይንትየ ግብረ እኩየ፤ ጸላእኩ ገበርተ ዐመፃ
፭ ወኢተለወኒ ልብ ጠዋይ። ሶበ ተግሕሠ እኩይ እምኔየ ኢያእመርኩ።
፮ ዘየሐሚ ቢጾ በጽሚት ኪያሁ ሰደድኩ፤
፯ ዕቡየ ዐይን ወሥሡዐ ልብ ኢይትሀወል ምስሌየ።
፰ አዕይንትየሰ ኀበ መሀይምናነ ምድር ከመ ኣንብሮሙ ምስሌየ፤ ዘየሐውር በፍኖት ንጹሕ ውእቱ ይትለአከኒ።
፱ ወኢይነብር ማእከለ ቤትየ ዘይገብር ትዕቢተ፤ ወኢያረትዕ ቅድሜየ ዘይነብብ ዐመፃ።
፲ በጽባሕ እቀትሎሙ ለኵሎሙ ኃጥኣነ ምድር፤ ከመ እሠርዎሙ እምሀገረ እግዚአብሔር ለኵሎሙ ገበርተ ዐመፃ።