መዝሙረ ዳዊት47
መዝሙረ ዳዊት ምዕራፍ ፵፯ ፍጻሜ ዘበእንተ ውሉደ ቆሬ መዝሙር።
፩ ኵልክሙ አሕዛብ ጥፍሑ እደዊክሙ፤ ወየብቡ ለእግዚአብሔር በቃለ ትፍሥሕት።
፪ እስመ ልዑል ወግሩም እግዚአብሔር፤ ወንጉሥ ዐቢይ ውእቱ ዲበ ኵሉ ምድር።
፫ አግረረ ለነ አሕዛብ ወሕዘበ ታሕተ እገሪነ
፬ ወኀረየነ ሎቱ ለርስቱ፤ ሥኖ ለያዕቆብ ዘአፍቀረ።
፭ ዐርገ እግዚአብሔር በይባቤ፤ ወእግዚእነ በቃለ ቀርን።
፮ ዘምሩ ለአምላክነ ዘምሩ፤ ዘምሩ ለንጉሥነ ዘምሩ።
፯ እስመ ንጉሥ እግዚአብሔር ለኵሉ ምድር ዘምሩ ልብወ።
፰ ነግሠ እግዚአብሔር ላዕለ ኵሉ አሕዛብ፤ እግዚአብሔርሰ ይነብር ዲበ መንበሩ ቅዱስ።
፱ መላእክተ አሕዛብ ተጋብኡ ምስለ አምላከ አብርሃም፤ እስመ ለእግዚአብሔር ጽኑዓነ ምድር ፈድፋደ ተለዐሉ።