መዝሙር 12
መዝሙራት ዘዳዊት ምዕራፍ ፲፪ ፍጻሜ ስብሐት መዝሙር ዘዳዊት በእንተ ሳምንት።
፩ አድኅነኒ እግዚኦ እስመ ኀልቀ ኄር፤ ወውሕደ ሀይማኖት እምአጓለ እምሕያው።
፪ ከንቶ ይትናገሩ አሐዱ ምስለ ካልኡ፤ በከናፍረ ጕሕሉት በልብ ወበልብ ይትናገሩ።
፫ ይሤርዎን እግዚአብሔር ለከናፍረ ጕሕሉት፤ ወለልሳን እንተ ታዐቢ ነቢበ።
፬ እለ ይብሉ ናዐቢ ልሳናቲነ ወከናፍሪነኒ ኀቤነ እሙንቱ፤ መኑ ውእቱ እግዚእነ።
፭ በእንተ ሕማዎሙ ለነዳያን ወበእንተ ገዐሮሙ ለሙቁሓን፤ ይእዜ እትነሣእ ይቤ እግዚአብሔር
፮ እሬሲ መድኀኒተ ወእግህድ ቦቱ።
፯ ቃለ እግዚአብሔር ቃል ንጹሕ፤ ከመ ብሩር ጽሩይ ወንጡፍ ወፍቱን እምድር ዘአጽረይዎ ምስብዒተ።
፰ አንተ እግዚኦ ዕቀበነ፤ ወተማኅፀነነ እምዛቲ ትውልድ ወእስከ ለዓለም።
፱ ዐውደ የሐውሩ ረሲዓን፤ ወበከመ ልዕልናከ ሠራዕኮሙ ለደቂቀ እጓለ እመሕያው።